esmaspäev, 17. veebruar 2025
esmaspäev, 27. jaanuar 2025
neljapäev, 19. detsember 2024
pühapäev, 8. detsember 2024
reede, 1. november 2024
COTEN raadiolõ
Taa tekst sai kääntüs inglis kiilde (Neurotolge robotiga ja esi üle kaiõn) ja saadõtus COTEN radiolõ: mullitus: To COTEN radio.
————————————-
======================
To: <contact@coten.co.jp>
20 aug. 2024.
Tervüisi Eestist, Võromaalt!
Ma sai teedä COTEN raadio tegemiisist 2023 aasta suvõl ja tutvustajas oll määnegi Googli robot. Ma ei mõista pallu jaapani kiilt a inglise kiilt veidükese veeri ja saa kipõn arvu. Tark süsteem oll saatnu mullõ e-mailiga juhatusõ, et hr. Ryunosuke Fukai oppas ütiskunna mentaalsõ OP-süsteemi muutumisest ega vahtsõ sidetehnika tulõkiga.
Tuu oll mullõ väega huvitav. Ma esi olli joba mitu aastat juurõlnu, kui Platon uman “Phaidrosõn” seletäs, midä hääd ja halva tulõ inemiisile kynõlõmise asõmõlõ kirutamise tulõkiga. Nisama olõ üles löüdnü tekstiq, millen targaq inemiseq pääle Platoni aigu tast asjast omma arvanu. Ma mõtlõ Derrida ja McLuhani raamatit. Hr. Fukai seletüs tarkusõ op-süsteemest om mullõ väega meeleperrä. Olõ õks juurõlnu, et parlatsõ ao tarkuisi edendäden tüküse op-süsteemi segi minemä. Kynõlõmisel tarvitami kirutamise normõ; internetist usumi, et tuu om nigu kynõlamine; “lihtsat” kynõlamist ei tahaki inämp tarvita. Tan om vajja vahtsõ ao tarkust ja COTEN raadion paistus sääne tarkus olõma.
Mina olõ 30 aastat tagasi kogõnu osalust inemise psühholoogilist olõkit muutvan müsteeriumin. Tuu oll Venemaal Georgi Schedrovitski sõpru alustadu ODI näng. Vannu kreeklaisi Eleysiuse müsteeriumi muudu mitmõkümne inemise thinktank. Sää oll eriline OP-systeem, kon kynõlamise, kirutamise ja graafika rütmilise vahetamisega toimus tarkusõ tõus ja inemiisi muutumine.
Mu huvi om olnu pikkä aigu sändse müsteeriumi tuumine Eestimaa kohalikkõ kogukondõ ja eriti mu väikese Võrumaa ellu. Mu arusaamine om, et võru väikse arvuga rahvas saaei lupa hinäle kallit rakette sya pidämises vai Marsi pääle lindamises. A OP-süsteeme vaihõl manööverdada saa külh, inemiselähküdse müsteeriumi muudu OP-süsteemi jaos om vaija 25 inemist. Ni pallu tarku inemiisi lövvämi siin ja ku taha appi saami ütenmõtlõjit Globaalsõ Külä tõsõst veerest (Jaapanist?), sys või tulõvik tulla pikk. Seoperäst seo kiri.
Ma elä üte väikese võro rahva seen Eestimaal. Ku ma lats olli, sys mii võro rahvas (umbõs 100 000 inemist Eestimaa lõuna veeren 1.5 miljoni seen) kynõlimi kyuik umma võro kiilt. Nüüd opisõ latsõq edimält põhja-eesti keele selges. Peräst osa nakkas tarvitama võro kiilt, nigu pidu vai rituaali kiilt. Om naatu tegemä võro raamatit ja internetti. Võro interneti indeks om ISO 639-3 ja vro.
Vahtsõnõ maailm om arõnõnu katõ kiirusõga -lihtsamb viir om selge ja tehnoloogiliselt muudõtu ja tarvitusõlõ võetu, keerulidsemb viir om inemisen ja ümbre, keerulidsembä osan tarvitadas suurõstõ edesi 19. aastasaa kodanigumütoloogiat. Viimätside aastakümnide inemiseoppus om väega harinõmada. Tuuperäst om maailma mõistmisel väega abis COTEN-radio intellektuaalsõ Op-süsteemi vahetusõ kontseptsioon.
Viimätsil aastil olõ ma tarkust otsnu Abraham Maslow “The Farther Reaches of Human Nature”. (1971)
Peris vahtsõnõ visiooni omma ilmutanu 2021. ukrainlaisi “Новая архитектура человечества».
Naidõ teksti vaihõlõ jäävä 50 aastaga om tiidüs inemiseoppusõ ja eriti tarkusõ sünnütämise kotsilõ pall'o edesi lännü. Ma kirota taad teksti tundmisega, midä tunnistas ukrainlaisi nägemine - inemiisi kõrraldamismustri muutmist tulõ alusta väiksist rühmist. Tarkusõ luumisõ müsteeriumi inemisemyytu minek - tii otsmine, magamine, süümine, kõnõlõmise ja kullõmise maht, mälehtüse ja tähelepandmisõ maht, närvivõrgu muutumisõ tempo mahusõq sõpruskonna aigruumi. Sääne op-süsteem om jõudupiten ka väiku rahvidõ jaos. A säänest süsteemi piät opma hindäle luuma. Seoilmaaigsõn globaalsõn külän tüütäs kõrraga väega pall'o op-süsteeme. Noidõ vaihõl piät mõistma essümäldä, segi ajamalda ja umma ehitäden manööverdä ja tuud ma looda COTEN radiomant oppi.
Kui mul olõs võimalik tiika uma op-süsteem üte lainõ pääle timmi, sõs ma küsüs umbõs nii: Kuis tii uma projektin erinevit op-süsteeme ütte liidat ja kõrran hoiat?
Kuvõrra om teil teedä väega vannu op-systeeme kotsilõ?
Vai eski ahvõ ja muiõ eläjide tarkusõ kõrraldusõ kotsilõ?
Aga ma mõista, ku tihe om tii tüüplaan. Tuuperäst lõpõta lihtsalt:
Soovi teile hüvvä jakku. Ma jää teist opma.
Agu Vissel
———————————
======================
COTENサポート <team@coten.mail.channel.io> Tue, 3. Sep at 04:28 Reply to: COTENサポート <reply+66c47559139ef1f53ae0@coten.mail.channel.io>
To: Agu Vissel <agu.vissel@gmail.com>
Hello, this is Chisaki from COTEN. Thank you for your message. We are surprised and happy to know that you are listening to COTEN RADIO in Estonia.
The term OS we use refers to our values, such as how we see the world and what we consider important. For example, capitalism OS today, Christian OS in some societies in the past, and so on.
I would be happy to get your feedback on the radio again. Thank you!
——————————-
=================
7.sept. vastus.
Tere Chisaki!
Väega kinä, et meil side läts kõrda ja et võtsidõ ao mullõ vastamises.
Ma piä tarvilise täpsustada seletüst, kui COTENi esitüse mu manu jõudva. Taa või ka teile olla huvitav - pilt kommunikatsiooni praktikast tii mant tõisi keelini aastal 2024.
Coten raadiot ma ei kullõ, ma loe.
Tehniliselt om tuu nii, et ma kae Chrome browseri kaudu tii salvõstust yotuben ja lülitä subtiitri sisse. Cromel om tõlkmise võimalus, ma lülitäs sisse jaapani-eesti tõlgi ja sõs saa kõikõ lukõ. Nii saa ma teedä küländ pallu sisust, emotsiooiq ja muu isiklik jääs varju.
Ma registiirse hindäle ka Coten-Crew miinimumi positsiooni, nii saa uuri matõrjalõ, miä teil om.
Soovi teile hääd edenemist ja jakku.
Agu
kolmapäev, 9. oktoober 2024
OJA om RÕNGAS
OJA om RÕNGAS
Agu Vissel
Kõnõld 5. juulil 2024 Toruplatsi jutlusõn. Tootseni Tõnis ja Sommeri Lauri olli kullõja.
Võru Toruplats ütles/käkk muutumist.
Toruplatsiga ütles aovaim inemisekeeli umma parlast tähendüst. Tast saa lukõ, et aovaimu sisu om muutus. Välläütlemine “Võru” tähendäs parlatsõn riigikeelen ja Põhja-Eesti kiräkeelen rõngast. Kost siin sääne nimi liinal?
Liina nimi om tulnu saksa k Werro vai vinne k. Верро mõisast. Mille oll mõisal sääne nimi? Kunagi ammu ma esi juurõli tallõ nime üle ja mõtli lõpus nii, et inne liina tan olnu mõisa oll Põlva khk veere pääl ja Veere mõisast sai kuigi läbi tõlkmiisi “Werro”.
Saarõ Evar kirutas(1), et nime alusõs om Võro oja (parlanõ Koreli oja) ja võrõndik, egatahes vesi.
Arhiivest ja muist kotussist om timä löüdnü sändsit nimmi: Hof ferrow, Weremoisa, Wohro kivi (veski), Der kleine Förro Fluss (Koreli oja kotsilõ), Forro oja, Võrõng, (hauakotus), Wõrung ja viil mitmist. Oja võrõng om olnu Wõro mõisa nime alusõs.
Mu latsõiän oll inemiisil ja ka latsil võru kiil kimmält selge, kiräkiil sai koolin kah küländ ruttu selges. Tuudaigu kiräkiilt õks võõrastadi. Raamatide kaudu saadi teedä, et Põhja-Eestin kutsutas rõngast “võru”.
Edimädse klassi paiku loi ma “Kevadet” ja säält ma sai arvu, et Arnol oll rohkõmb raamadutarkust ja timä oll saanu aimdusõ, et raamadurahvas kuts rõngast “võru”. “Kevade” koolipildikõisi aigu 130 aastat tagasi Tartumaal “võru” sõnna es tarvitada vai oll eriline eksootilise maiguga asi. Tuu tulõ vällä raamadu neländan pildin, ku Tuuts ähvärdäs Teelega naada “plaani pidämä” ja Arno pakk, et timä tuu Tootsiõ kotust võru. Ja sõs saa es Arno üüse maada ja vei hädäga kuuli tüninivitsa. Tuuts tiiäes “võru” sõnna, tuu oll raamadu sõna. Nii sai ma ( 50-dide lats Võrumaal) arvu edimädse lugõmise aigu ja arva siiäni.
Lõuna-Eestin inemiisile nakas “rõngas om võru” tiidmine tulõma aolehtiga tsaariaigu. 20 aastasaal võeti joba Võrumaal jutus, et Võru liin om rõnga liin.
Arhitektel om olnu platsi joonistamise võistlus 1999, 2000 ja 2015 aastal. Edimäidsi aastide võitja omma olnu Tormiste Villem, Valgu Veronika ja Kadariku Ott - noorõ näide stuudiumi lõpuaastil. 2015 aasta võistlusõst omma jäle netin nätä(2) ja zürii soovituisiga üten 2019. ka valmis ehitet. Vällämõtlõjist nimmätäs kõgõ sakõmbalõ Tormiste Villemit (s. 1975). Tormiste om ka muusikamiis ja reisimiis. Rõnga muudu säet torrõst Võru keskplatsi pääl ütles, et sääne piäs olõma liina müübli. Ja timäle, Põhja-Eestin kasunulõ om loomulik, et võru om rõngas. Tuukõrd, 2015 aasta võistlusõlõ saadõtust viieteistkümnest tüüst kolmõl om teemas rõngas.
21 aastasaa vaim om muutumine ja tan platsi pääl muutumise “loogikat” näütäs rida: oja => rõngas => toru.
__________
(1) Evar Saar. Võru nime päritolust. https://keeljakirjandus.eki.ee/535-540.pdf
(2) https://arhliit.ee/wp-content/uploads/2015/03/protokoll_loplik_voru.pdf
Šamaanireisi säädmisest
ŠAMAANIREISI SÄÄDMISEST
Agu Vissel
Kõnõld 5. juulil 2024 Toruplatsi jutlusõn. Tootseni Tõnis ja Sommeri Lauri olli kullõja.
Egatsuku globaalsit ja kohalikõ häti kuulutadas, aga üts osa turismist või saia inemiisi herätäjäs ja pästjäs. Suurõmb osa turismi eläs kah säänest samma copy/paste kõrdusõga ahvitarkust, minka mii umma egapäivä elämi ja millest Tootseni Tõnis om paksu "Ahvide pasteet" kirutanu. Sändses jääs ka poolõpääväne huvireis vai mii tunni pikkunõ "Mii liin, Mii kiil" tan platsi pääl. Ahvitarkusõst korõmbalõ jõudmise tiiots vai tulõvadsõ tarkusõ idukotus om Ulvil tulõtõrjõ torniga huunõ edimädse kõrra pääl, reisifirman.
Šamaanireis vai vahtsõ sünnütämise müsteerium om sändsesama mahu ja mustriga ku reis Kreeka- vai Egiptimaalõ. Ega Egiptusõn käümine parlast muudu ei muuda ahvi inemises. Muutusõs olulie om reisikõrraldusõ mustri - ku pikk tii, ku pallu inemiisi, kui inemise kokku saias, kui süüümine ja magamine kõrraldõt, kost raha võetas ja mis kygõ päämine - kuimuudu sõnnu, juttu ja muud tiidüst liigutadas, et inemise asja man püsüs, tüllü ei lähäs jne. Et Egiptpimaad saas nättüs ja tervüse ma kodu agasi jõvvas. Et Tarkusõmaal saas käütüs ja terve mõistusõ man ja targõmbalt äripäivä tagasi jõvvas.
Tarkusõmaad ja mõistusõ otsmist seletädäs mitut muudu - šamaan käü tarkust otsman tõsõn ilman, Vanan-Kreekan kõrraldadi müsteeriumõ, Herman Hessel oll Kastaalia ja Klaaspärlimäng, Vinnemaalt sai toona algusõ ODI mäng. Võro liinaplatsi pääle säeti torrõga muutumise aomärk ja platsi veeren väikene kontor kon tarvitadas inemises saamise mustrit.
Tarkusõmaad vai Kastaaliat ei olõ maakaartõ pääl märgit. Kastaalia ehitädädäs kokku ütskõik kon, kohe tarkusõ otsja inemise ummi tarku hätiga ja mõistligu kõrraldusõga pää kokku pandva. Kui hulga otsõ omvajja kõrraga kokku sõlmada reismise jaos?
Löüdä sändsq inemise:
a) tahtva saia Egiptussõ;
b) kellel om sõidus ja elämises raha;
c) saava tüü mant, kotust, muist kohustuisist priis;
d) kallendri aig, miä passis kõigilõ;
...n)?.
Vanarahvas ütles, et kõrdamine om tarkusõ imä. Vahtsõnõ tiidüs om, et tarkusõimä nakkas lagunõma (sünnütämä vahtsõt) ku Tarkusõ Kastaalian om sõlmat sändse asja:
a) Tarku hädäliidsi om umbõs 25.
b) hädä seletämises, vaidlõmises ja vastusõs võetas vähembält 3-4 üüpäivä. Tähtsä om elukõrraldus, magamine jne (1).
Vahtsõnõ asi sünnüs tarvilikõ köüdüssidega päie seen närvivõrgun paika, nii kujunõs inemisega sändsen müsteeriumin. Poolõ tunninõ asi lät ütest kõrvast sisse tõsõst vällä. Vahtsõnõ tiidüs seletäs - maatõn puhastas konsolidiirmine suurõ osa juhuslikku meelest minemä. Uus saa inemise osas sõs, ku om inemise jaos tähtsä mitu päivä ja mitu üüd järjest.
25 vai kats tosinat inemist ja 3-4 üüpäivä om optimaalnõ. Vähämbä arvu inemiisi süntees saa rutõmb valmis a tarkus sünnüs lahjõmb. Ku rohkõmb tarku tulõ kokku uma hädäga, saa müsteerium targõmb, võimsamb, a aigu kulus vällä jõudmises rohkõmb. 50 inemist saava valmis nädäliga. Aga suurõmb kõrraldus lätt mitmast otsast keerulidsembäs.
Kastaalia ehitämises vai otsmises kutskõ appi pikäreisi kõrraldajit, ohvitsiire ja rokitähti olõ ei vajja.
Kastaalia ehitämises vai otsmisõs kutskõ appi pikäreisi kõrraldajit, ohvitsiire ja rokitähti olõ ei vaia.
____
(1) https://betshy.com/2023/12/04/the-mystery-of-memory-consolidation-how-our-brains-secure-our-memories/
Tellimine:
Postitused (Atom)